Joriy yilning 16-avgust kuni Surxondaryo viloyati Maktabgacha va maktab ta’limi boshqarmasi va Pedagoglarni yangi metodikalarga o’rgatish milliy markazi metodik xizmat ko‘rsatish bo’limi metodistlari bilan hamkorlikda Termiz shahridagi 26-maktabda «Sifatli ta’lim – kuchli jamiyat» shiori ostida “Ikkinchi ustozlar milliy forumi” o’tkazildi. 

Forumning ochilish marosimida markaz direktori U.Qodirov so’zga chiqib, bugungi kunda ta’lim-tarbiya tizimida olib borilayotgan islohotlar, pedagoglar nufuzini oshirishga qaratilgan chora-tadbirlar xususida so’z yuritdi.

Shundan so’ng sohada samarali mehnat qilib kelayotgan bir guruh o’qituvchilar tadbir tashkilotchilari tomonidan munosib taqdirlandi.